• Anterior
  • Siguiente
Grupo Moyua,www.moyua.com

BILBOKO ITSASADARREKO URAZURRUTIA KAIEKO HORMAK ETA EGITURAK BERRERAIKIKO DITU BYCAMEK

Bilboko Udaleko Gobernu Batzordeak, abuztuaren 10ean, Bilboko Itsasadarreko Urazurrutia kaieko hormak eta egiturak konpontzeko edo/eta berreraikitzeko obraren proiektua planeatzeko eta gauzatzeko kontratua esleitu zion BYCAM enpresari, 3.185.000 € + BEZ euroren truke.

Ondorengo bideguneak berreraiki edo konpondu beharko dira:

  • Urazurrutia kaia (Azkatasuna etorbidearekin gurutzatzen den gunetik Zamakola kalearen 7-9 zenbakietaraino).
  • Mesedeetako kaiaren 1-3 zenbakietatik Jesusen Zerbitzariak kaieko automobil-garbitegira arte (Bailen kaleko 6. zenbakiaren azpian)
  • Ibeni kaieko Atxuri geltokitik Erribera kaleko 9. zenbakira arte.
  • Uribitarte pasealekua, Udaleko zubitik Pio Baroja plazako udal aparkalekuko irteeraraino.
  • Botika Zaharra Erribera, Garate Anaia lorategitik Botika Zaharra institutura arte.

Bidegune bakoitzak berezitasunak ditu; izan ere, batzuk pilotezko egiturak dira eta beste batzuk, aldiz, harlangaitz-hormak.

Pilotezko egituretan, Uribitarte pasealekuan, in situ egindako pilotezko zimenduak dituen hormigoi armatuzko egitura berria eraikiko da. Pilote horiek 1,00 m-ko diametroa eta aurrefabrikatutako habeak edukiko dituzte. Horien gainean, aurrefabrikatutako hormigoizko aurrelauzak ezarriko dira eta forjatuaren ertzak 30,00 cm neurtuko ditu denera.

Urazurritua kaieko grabitate-hormetan harlangaitz-hormaren azpi-berritzea egingo da harri-lubeta baten eraikuntzarekin, oineko berma modura, zapataren parean, puntu horretako higidura ekidinez eta pasiboa handituz egonkortasun globala hobetzeko helburuarekin. Gainontzeko kaietako grabitate-hormei dagokienez (Mesedeetako kaia, Ibeni eta Erriberako portua) hormigoiz azpi-berrituko dira: zutoin-oholen arteko zona hutsak beteko dira eta, horrela, sekzio handiagoa izango dute zimenduek.

Azkenik, Botika Zaharra Erriberaren azpi-berritzea mikropiloteekin egingo da 34 m luze dituen gune batean.

Itsaslabarraren konponketa edo berreraikuntza obraren luzera 1.433,97 m-koa da, eta honela banatzen da kai bakoitzeko: Urazurrutia kaia, 360 m; Mesedeetako kaia, 158 m; Ibeni eta Erribera kaia, 680 m; Botika Zaharra kaia, 34 m, eta Udaletxearen zubiaren ondoko Uribitarte pasealekua, 190 m.
 



© 2011 Grupo Moyua. Eskubide guztiak babestuak.
DMacroWeb-ek eraikitako web orria DM Corporative erabiliz
Partekatu: Facebook-en partekatu Twitter-en partekatu Testua Nire Del.icio.us-ko gustukoenetan gorde Nire Google Bookmarks-eko gustukoenetan gorde My Yahoo!-ko gustukoenetan gorde Menéame-ra bidali Zure orrian partekatu
Informa zaitez: